Qazaqstan-Belarýs bıznes forýmynda 15 kelisimge qol qoıyldy
«Bizdiń ekijaqty saýda-ınvestıtsııalyq baılanys joǵary deńgeıde damý ústinde. Búginde Mınskige Nur-Sultan, Almaty, Qaraǵandy Pavlodar qalalarynan birneshe áýe reısteri qatynaıdy. Birigip ónim shyǵarý eki eldiń ekonomıkasynyń damýy men qarjy turaqtylyǵyn saqtaýǵa septigin tıgizedi. Búginde ózinde elder mashına jasaý salasynda birlesken jobalardy qolǵa alýda. Ásirese Qazaqstandy Belarýstiń óńdeý ónerkásibindegi tájirbıesi asa qyzyqtyrady. Bizdiń ekonomıka men saýda salasyndaǵy kórsetkishte shetel ınvestıtsııasynyń alar orny erekshe, onyń ishinde Belarýs respýblıkasy da bar. Ótken jyly Qazaqstanǵa shetelden kelgen tikeleı ınvestıtsııa kólemi 15,8 paıyzǵa artyp, 24,3 mlrd AQSh dollaryn qurady», - dedi QR Premer-Mınıstriniń orynbasary Roman Sklıar bıznges forýmda.
Úkimet basshysy orynbasarynyń aıtýynsha, Qazaqstan Dúnıejúzilik banktiń «Bıznes bastaýdyń jeńildigi» reıtınginde 28 orynda, al Ortalyq Azııa elderi arasynda 1-orynǵa ıe.
«Qazaqstan mınorıtarlyq ınvestorlardy qorǵaý kórsetkishteri boıynsha da 1 orynǵa ıe. Odan bólek, Dúnıejúzilik ekonomıkalyq forým reıtinginde jahandyq básekelestik ındeksinde 4 satyǵa joǵarylap, 55 orynǵa turaqtadyq. Osy atalǵan kórsetkishter elimizdiń álemdik ekonomıkada ózindik orny baryn dáleldep otyr», - dedi R.Sklıar.
Qazaqstan men Belarýs eliniń arasynda 2026 jylǵa deıin ózara áleýmettik-ekonomıkalyq seriktestik týraly kelisim jasalǵan.
«Búgingi Qazaqstan-Belarýs forýmy ekijaqty atqarylyp jatqan aýqymdy jumystyń bir tarmaǵy. Bul úderis aldaǵy ýaqytta óz jalǵasyn taýyp, eki el qarym-qatynasyn nyǵaıta túsetinine senimdimin», - dedi ol.
Óz kezeginde Belarýs respýblıkasy Premer-Mınıstriniń birinshi orynbasary Aleksandr Týrchın eki el arasynda birneshe sala boıynsha birlesken jobalardyń qolǵa alynatynyn aıtty.
«Belarýs pen Qazaqstannyń dıalogy – eki eldiń ózara qarym-qatynasy men ekonomıka damýynyń birden bir quraly. Búgingi ózara yntymaqtastyq eki el basshylary júrgizip otyrǵan utqyr saıası sheshimderdiń jemisi bolyp tabylady. Belarýs prezıdentiniń sózimen aıtqanda, Qazaqstan Belarýs eliniń saýdadaǵy strategııalyq seriktesi. Qazaqstan bizdiń el úshin saýda-ekonomıkalyq qarym-qatynasta top-10 el qataryna kiredi. Sońǵy eki jyl ishinde eki arasyndaǵy taýar aınalymy 2 esege ósti. Aıtar bolsaq, 2018 jyly ol 900 mln AQSh dollaryn qurady. Sonymen qatar búginde eki el arasynda transport-logıstıka ınfraqurylymyna da erekshe mán berilýde. Bizdi ásirese Qazaqstannyń logıskalyq múmkindigi qatty qyzyqtyrady», - dedi A. Týrchın forýmda sóılegen sózinde.
Aıta ketsek, forýmy aıasynda barlyq somasy 75 mln AQSh dollaryn quraıtyn ekijaqty 15 kelisimge qol qoıyldy. Onyń 11-i kommertsııalyq qujattar, qalǵan 4-i kommertsııalyq emes qujat bolyp tabylady.