Qazaqstan Belarýs ámbebap taýar bırjasy arqyly eksportty ulǵaıtpaqshy

NUR-SULTAN. QazAqparat - QR Saýda jáne ıntegratsııa mınıstrligi Belarýs ámbebap taýar bırjasy arqyly qazaqstandyq eksportty ilgeriletý týraly ýaǵdalasty, dep habarlady QR Saýda jáne ıntegratsııa mınıstrliginiń baspasóz qyzmeti.

Baspasóz qyzmetiniń málimetterine qaraǵanda, Qazaqstan Respýblıkasynyń Belarýs Respýblıkasyndaǵy Saýda-ekonomıkalyq mıssııasy sheńberinde Saýda jáne ıntegratsııa vıtse-mınıstri Qaırat Tórebaev «Belarýs ámbebap taýar bırjasy» AAQ Basqarma tóraǵasy Aleksandr Osmolovskıımen kezdesti.

Belarýs ámbebap taýar bırjasy búgin – bul álemniń 63 elinen 22 myńnan astam qatysýshy (EO elderinen satyp alýshylardyń negizgi massasy), 56 qazaqstandyq kompanııany qosa alǵanda (ótken jyldyń qorytyndysy boıynsha qazaqstandyq kompanııalar BÁTB arqyly 5,6 mln.dollarǵa taýar satqan).

Kezdesý barysynda Qaırat Tórebaev Belarýs bırjasynda qazaqstandyq ónimniń usynylýyn arttyrý bóliginde BÁTB-men yntymaqtastyqqa qyzyǵýshylyq bildirdi.

«Biz túrli elektrondyq alańdardy paıdalana otyryp, qazaqstandyq eksportty arttyrýǵa baǵyttadyq», - dedi ol.

Óz kezeginde Aleksandr Osmolovskıı qazaqstandyq kompanııalardy BÁTB-ǵa qatysýǵa shaqyrdy.

«Biz Bırjanyń qyzmeti týraly aıtý úshin Qazaqstanǵa shyǵýǵa, sondaı-aq qazaqstandyq óndirýshilerge akkredıtteýden ótýge, saýda-sattyqqa qatysý úshin olarǵa elektrondyq tsıfrlyq qoltańba berýge daıynbyz», - dedi ol.

Ol sondaı-aq saýda-sattyqqa kelýshi retinde de, bırjalyq broker retinde de qatysýǵa bolatynyn habarlady.

Ol sondaı-aq, búgingi tańda postkeńestik keńistiktiń kóptegen kompanııalary belarýssııalyq saýda alańyn eýropalyq naryqqa shyǵý úshin paıdalanatynyn aıtty, sebebi negizgi satyp alýshylardyń basym sanyn Lıtvanyń, Latvııanyń, Polshanyń jáne Eýrodaǵynyń basqa elderiniń kompanııalary qurady.

Ol sondaı-aq, aǵymdaǵy sátte bırjada shartty túrde 4 iri topqa bólingen 4000-ǵa jýyq taýar toby: orman ónimi, metall ónimi, aýyl sharýashylyǵy ónimi, ónerkásiptik jáne tutyný taýarlary usynylǵanyn habarlady.

«Taldaý kórsetkendeı, bizdiń belarýstyq satyp alýshylar Qazaqstannan metall óńdeý ónimderi, aýyl sharýashylyǵy taýarlary, kómir sııaqty taýarlardy jetkizýge qyzyǵýshylyq tanytýda», - dedi Osmolovskıı.

Búgingi tańda qazaqstandyq kómirdi kóbine bırjada reseılik treıderler (alypsatarlar) satatynyn atap ótti.

Taraptar Belarýs ámbebap taýar bırjasynyń alańyn paıdalana otyryp, qazaqstandyq eksportty úshinshi elderdiń naryǵyna ilgeriletý maqsatynda tyǵyz yntymaqtastyqty jolǵa qoıýǵa ýaǵdalasty.