Qazaqstan «Batys Qytaı - Batys Eýropa» transqurlyqtyq dáliziniń qurylysyn kelesi jyly aıaqtaıdy - M.Áshimbaev
15:34, 21 Mamyr 2015
ASTANA. QazAqparat - Qazaqstan «Batys Qytaı - Batys Eýropa» transqurlyqtyq dáliziniń qurylysyn kelesi jyly aıaqtaıdy.
Bul týraly búgin VIII Astana ekonomıkalyq forýmynda QR Parlamenti májilisiniń halyqaralyq ister, qorǵanys jáne qaýipsizdik jónindegi komıtetiniń tóraǵasy Máýlen Áshimbaev málim etti.
«Qazaqstan Qytaı men Eýropany jalǵaıtyn iri kóliktik dálizderdiń damýyna da úlken mán beredi. Biz sońǵy jyldary «Batys Qytaı - Batys Eýropa» transqurlyqtyq dálizin salýǵa kúsh salyp kelemiz. Qazaqstan aýmaǵynda onyń 2700 shaqyrym joly ótedi. Kelesi jyly ony aıaqtaýdy josparlap otyrmyz. Ol qazirgi zamanǵa saı tasjol bolady. Ol Qytaıdyń shyǵys óńirlerinen Eýropaǵa taýarlardy 10 kúnniń ishinde jetkizýge múmkindik beredi. Bul Eýropa men Qytaıdy jalǵaıtyn eń tıimdi ári eń qysqa jol bolmaq», - dep atap ótti M.Áshimbaev.