Qazaqstan basshylyǵy mańyzdy qadamdardy iske asyrmaq – ázerbaıjandyq sarapshy

BAKÝ. QazAqparat – Qazaqstannyń joǵary bıligi mańyzdy ınstıtýtsıonaldy, ekonomıkalyq jáne áleýmettik túrlenýdi iske asyrýǵa kirisip otyr. Bul týraly Ázerbajan memlekettik ekonomıkalyq ýnıversıteti orys ekonomıkalyq mektebi dırektorynyń orynbasary, sarapshy-ekonomıst Elshad Mamedov málim etti, dep habarlaıdy QazAqparat.

Ǵalym óz sózinde QR Prezıdenti Qasym-Jomart Toqaevtyń Ulttyq qoǵamdyq senim keńesindegi bastamalarymen egjeı-tegjeıli tanysyp shyqqanyn aıtty.

Prezıdent Q. Toqaevtyń sózinde salyqtyq yntalandyrý, iskerlik belsendilikti kóterý úshin tıisti ahýaldy qalyptastyrý, sondaı-aq aqsha-nesıelik quramdaýysh boıynsha sapaly jańa strategııany ázirleýge baılanysty taqyryptardy kóterdi.

«Qazaqstanda áleýmettik-ekonomıkalyq túrlený turǵysynda bul qadamdar mańyzdy segmentterdiń biri bolyp sanalady. Osy problema barsha postkeńestik keńistikke tıesili, sebebi aqsha-nesıe quramdas bóligi damýynyń jetkiliksizdigi problemasy júıeliktiń jáne ekonomıkalyq saıasat keshendiliginiń negizgi kedergisi ekenin kórip turmyz», - dedi sarapshy.

E. Mamedov pikirinshe, ekonomıkalyq túrlený júıelik jáne keshendi sıpatqa ıe bolýy tıis.

«Onyń ishinde bul sharalar aqsha-nesıe quramdaýyshyna da qatysty bolýy kerek. Ol óz kezeginde Qazaqstan ulttyq ekonomıkasynyń ozyńqy ósimin qamtamasyz etýi qajet», - dedi sarapshy.

Esterińizge sala keteıik, bıyl 20 jeltoqsanda elordada QR Prezıdenti Qasym-Jomart Toqaevtyń tóraǵalyǵymen Ulttyq qoǵamdyq senim keńesiniń ekinshi otyrysy ótti.