Qazaqstan básekege qabiletti maqta sorttaryn ósirýdi qolǵa aldy

<p>ASTANA. KAZINFORM &mdash; QR Aýyl sharýashylyǵy mınıstrligi Ulttyq agrarlyq ǵylymı-bilim berý ortalyǵy qoldaýymen maqtany selektsııalaý jumystary bastaldy. Jobanyń negizgi maqsaty - eldiń ár túrli topyraq-klımattyq zonalarynda turaqty óndiristi qamtamasyz ete alatyn básekege qabiletti maqta sorttaryn jasaý. Bql týraly vedomstvonyń baspasóz qyzmeti málim etti.</p>

24-25 sáýirde selektsııalyq pıtomnıkterde ári qaraı býdandastyrý úshin úlgiler men gıbrıdti kombınatsııalar salyndy. Jobada 33 stantsııalyq úlgi, 26 gıbrıdti kombınatsııa jáne bıologııalyq pıtomnıkten 420 úlgi qatysady. Sondaı-aq, M-4011 jáne M-5027 sorttarynyń 40 tonna elıtalyq tuqymyn alý josparlanǵan.

«Ǵalymdar jańa jasalyp jatqan ortasha talshyqty maqta sorttary gektarynan 45-50 tsentnerden joǵary ónimdilik beretinin jáne 110-117 kúnnen keıin jınaýǵa bolatyn erte pisetindigin aıtady», — delingen aqparatta.

Talshyq sapasy da tańqalarlyq — shyǵymy 38-40%, talshyq uzyndyǵy 33-34 mm. Keıingi selektsııalyq jumystar úshin úlgilerdi irikteý jumystary bastaldy.

Baǵdarlama qorytyndysy boıynsha Qazaqstan aýyl sharýashylyǵy synaqtary men sorttarynyń memlekettik komıssııasyna jańa sort beriledi.

Vegetatsııa kezeńinde ósimdikterge tyńaıtqysh engizý, qatararalyq óńdeý, zııankestermen kúres jáne sýarýdy qosa alǵanda, keshendi kútim jasaldy.

Maqtany jınaý qyrkúıektiń basynda bastaldy. Ulttyq agrarlyq ǵylymı-bilim berý ortalyǵy qyzmetkerleri ındoselektsııalyq úlgiler joǵary ónimdilik kórsetip jatqanyn rastaıdy.