«Qazaqstan barysyna» Qyzylordadan eki bólmeli páter syıǵa berildi

QYZYLORDA. QazAqparat – «Qazaqstan barysy-2022» týrnıriniń jeńimpazy, qyzylordalyq Maqsat Isaǵabylovqa eki bólmeli páterdiń kilti tabys etildi, dep habarlaıdy QazAqparat tilshisi.

«Qazaqstan barysy-2022» týrnıriniń jeńimpazy Maqsat Isaǵabylov oblys ákimi Nurlybek Nálibaevtyń qabyldaynda boldy.

«Aldaǵy ýaqytta «Altyn belbeý» men «Altyn taıtuıaqty» Syr óńirine taǵy da 2-3 márte ákelsem degen maqsatym bar. Sondaı-aq, «Álem barysy» atanýǵa úmittenemin. Týǵan topyraqtyń abyroıyn asqaqtaý úshin bar kúsh-jigerimdi jumsaımyn», - dedi Maqsat Isaǵabylov.

Kezdesýde oblystyq máslıhat hatshysy Naýryzbaı Baıqadamov, oblystyq ardagerler keńesiniń tóraǵasy Serik Dúısenbaev pen oblystyq qoǵamdyq keńes tóraǵasy Árip Hojbanov izgi tilekterin arnady.

Eske salsaq, qyzylordalyq Maqsat Isaǵabylov «Qazaqstan barysynyń» jeńimpazy atanǵan bolatyn.

Ol 1994 jyldyń 17 qarashasynda Qyzylorda oblysynda dúnıege kelgen. Boıy – 184 santımetr, salmaǵy – 120 keli.