«Qazaqstan barysyna» bólingen 1 mlrd teńge: Jarys uıymdastyrýshylary pikir bildirdi

ASTANA. QazAqparat – «Qazaqstan barysy» respýblıkalyq týrnırin ótkizýge bólingen qarjynyń qanshalyqty zańdy jumsalǵany tekserilip jatyr, dep habarlaıdy QazAqparat tilshisi.

«Qarjy monıtorıngi agenttiginiń tekserýi týraly estidik. Atalǵan tekseris 2011-2019 jyldar aralyǵynda ótken «Qazaqstan barysy» týrnırine qatysty júrip jatyr. Ol boıynsha biz jaýap bere almaımyz, quzyretimizge jatpaıdy. Al biz óz qyzmetimizdi 2019 jyldan bastadyq, qaıta quryldyq. Osy kúnge deıin úsh úlken týrnır ótkizdik. Eki ret «Qazaqstan barysy» jáne bir ret «Turan» Azııa chempıonaty. ıAǵnı ol jyldary qorda basqa adamdar jumys istedi, sondyqtan biz jaýap bere almaımyz», - dedi «Qazaqstan barysy» qorynyń resmı ókili Dıas Ahmetsharıp baspasóz máslıhatynda.

Sondaı-aq, týrnır uıymdastyrýshylary bıýdjet máselesine kelgende qordyń jumysy ashyq ekenin aıtty.

Eske salsaq, 21 maýsym kúni Qarjy monıtorıngi agenttiginiń Almaty qalasy boıynsha departamenti sotqa deıingi tergeý aıasynda «Qazaqstan barysy» qazaq kúresinen týrnır ótkizýge bólingen 1,075 mlrd teńge bıýdjet qarajatynyń jumsalý zańdylyǵyn tekserý júrip jatqanyn habarlaǵan edi.

«Basshylardan, merdiger ókilderinen jaýap alý, tintý jáne qujattardy alýdy qamtıtyn tergeý júrip jatyr. Tergeý múddesin kózdeıtin basqa aqparat jarııalanbaıdy», - delingen resmı málimette.