«Qazaqstan barysy» Ǵalymjan Qyryqbaıǵa Tarazdan 2 bólmeli páter berildi

TARAZ. QazAqparat - Jambyl oblysynyń ákimi Qazaqstan barysy Ǵalymjan Qyryqbaıǵa páter kiltin tabystady, dep habarlaıdy QazAqparat aımaq ákimdigine silteme jasap.

Tarazda Astana kúnine oraı ashyq aspan astynda «Eńseli Elordam» atty merekelik shara ótti.

Saltanatty sharada bas qalanyń jetistigi, ótkeni men búgini týraly beıne-rolık kórsetilip, belgilengen jerlerde sport sharalary uıymdastyryldy.

Jambyl oblysynyń ákimi Nurjan Nurjigitov jınalǵandardy elordanyń 5 jyldyǵymen quttyqtady.

Nurjan Nurjigitov óz sózinde jýyrda ǵana ótken respýblıkalyq «Qazaqstan barysy» týrnırinde jeńimpaz atanyp, jerlesteriniń mereıin asyrǵan Ǵalymjan Qyryqbaıdyń jetistigin aıryqsha atap ótti.

41 balýannyń ishinen úzdik shyǵyp, elimizdiń bas balýany atanǵan sportshyǵa Taraz qalasynan 2 bólmeli páterdiń kiltin tabystap, marapattady.

Al onyń jattyqtyrýshysy Bahtııar Aqbergenovke 2 mln teńgeniń sertıfıkatyn tapsyrdy.

Eske sala keteıik, astanada ótken «Qazaqstan barysy» týrnırinde Ǵalymjan Qyryqbaı bas júldeni jeńip alǵan edi.