«Qazaqstan barysy»: Elaman Erǵalıev te jarysty erte aıaqtady

ASTANA. QazAqparat – Elordadaǵy «Barys Arena» sport kesheninde ótip jatqan «Qazaqstan barysy-2023» respýblıkalyq týrnıriniń birinshi aınalymynda 2017 jylǵy jeńimpaz Elaman Erǵalıev «Ásker barysy» Ǵalymjan Qyryqbaıdan jeńilip qaldy, dep habarlaıdy QazAqparat tilshisi.

Áýeli Mańǵystaý oblysynyń balýany Ǵaısa Qalmuhanovty jeńgen Elaman Erǵalıev ekinshi beldesýinde utylyp qaldy.

Buǵan deıin týrnırdiń 2021 jylǵy jeńimpazy Dáýren Nuralınov te jarysty erte aıaqtaǵan bolatyn.

Eske salaıyq, bıyl «Qazaqstan barysy» týrnıri jyldaǵydan ózgeshe ótip jatyr. Jańa oblystardyń ashylýyna baılanysty jarysqa qatysýshylardyń sany artqan. Naqtyraq aıtsaq, 41 palýan baq synaýda. Onyń ishinde 33 palýan oblystardan, 2 sportshy «Ásker barysynan» jáne 3 qaladan taǵy 6 sportshy qatysýǵa múmkindik aldy.

Uıymdastyrýshylardyń málimetinshe, týrnırdiń jalpy júlde qory – 40 mln teńge, onyń ishinde jarys jeńimpazyna 25 mln teńge syıaqy beriledi.