«Qazaqstan barysy» bolǵan Dáýren Nuralınov bıylǵy jarysty erte aıaqtady

ASTANA. QazAqparat – «Qazaqstan barysynyń 2021 jylǵy jeńimpazy Dáýren Nuralınov bıylǵy jarysty erte aıaqtady, dep habarlaıdy QazAqparat tilshisi.

Dáýren Nuralınovtyń bul jolǵy qarsylasy 23 jastaǵy jambyldyq jas balýan Danıl Fedorov edi. Tartysty aıqas «beldesý» kezeńine ulasyp, aqyrǵy sátte jas balýan aılasyn asyryp ketti.

Eske salaıyq, bıyl «Qazaqstan barysy» týrnıri jyldaǵydan ózgeshe ótip jatyr. Jańa oblystardyń ashylýyna baılanysty jarysqa qatysýshylardyń sany artqan. Naqtyraq aıtsaq, 41 palýan baq synaýda. Onyń ishinde 33 palýan oblystardan, 2 sportshy «Ásker barysynan» jáne 3 qaladan taǵy 6 sportshy qatysýǵa múmkindik aldy.

Týrnır osy ýaqytta elordadaǵy «Barys Arena» stadıonynda ótip jatyr.