«Qazaqstan barysy»: 3 chempıon da birinshi aınalymnan ary asa almady

ASTANA. QazAqparat – «Qazaqstan barysy» týrnıriniń byltyrǵy jeńimpazy Maqsat Isaǵabylov elordadaǵy bıylǵy týrnırden júldesiz qaıtatyn boldy, dep habarlaıdy QazAqparat tilshisi.

«Qyzylorda barysy» áýeli aqtóbelik Elaman Qoıshybaevty utqan bolatyn. Al «Almaty oblysynyń barysy» Nurǵalı Joltaevpen kúres «beldesý» kezeńine jetip, Qonaev qalasynyń sportshysy ekinshi aınalymǵa shyqty.

Osylaısha bıylǵy týrnırde buǵan deıingi jyldary jarys jeńimpazy atanǵan úsh balýannyń bireýi ǵana ekinshi aınalymǵa shyǵyp otyr. Buǵan deıin 2017 jáne 2021 jyldary «Qazaqstan barysy atynǵan Dáýren Nuralınov pen Elaman Erǵalıev jarys jolynan shyǵyp qalǵan bolatyn.

Eske salaıyq, bıyl «Qazaqstan barysy» týrnıri jyldaǵydan ózgeshe ótip jatyr. Jańa oblystardyń ashylýyna baılanysty jarysqa qatysýshylardyń sany artqan. Naqtyraq aıtsaq, 41 palýan baq synaýda. Onyń ishinde 33 palýan oblystardan, 2 sportshy «Ásker barysynan» jáne 3 qaladan taǵy 6 sportshy qatysýǵa múmkindik aldy.

Uıymdastyrýshylardyń málimetinshe, týrnırdiń jalpy júlde qory – 40 mln teńge, onyń ishinde jarys jeńimpazyna 25 mln teńge syıaqy beriledi.