«Qazaqstan barysy-2023»: Rýslan Ábdirazaqov shırek fınalda jyǵyldy

ASTANA. QazAqparat – Jetisý barysy Rýslan Ábdirazaqov elordadaǵy «Barys Arena» sport kesheninde ótip jatqan «Qazaqstan barysy-2023» respýblıkalyq týrnıriniń shırek fınalynan qaıtty, dep habarlaıdy QazAqparat tilshisi.

Onyń shırek fınaldaǵy qarsylasy Mańǵystaý oblysynyń balýany Nurdáýlet Jarylǵapov boldy. Tartysty beldesýde mańǵystaýlyq «Qara býra» basym tústi.

Buǵan deıin shırek fınalǵa ótken balýandardy ataǵan bolatynbyz.

Eske salaıyq, bıyl «Qazaqstan barysy» týrnıri jyldaǵydan ózgeshe ótip jatyr. Jańa oblystardyń ashylýyna baılanysty jarysqa qatysýshylardyń sany artqan. Naqtyraq aıtsaq, 41 palýan baq synaýda. Onyń ishinde 33 palýan oblystardan, 2 sportshy «Ásker barysynan» jáne 3 qaladan taǵy 6 sportshy qatysýǵa múmkindik aldy.

Uıymdastyrýshylardyń málimetinshe, týrnırdiń jalpy júlde qory – 40 mln teńge, onyń ishinde jarys jeńimpazyna 25 mln teńge syıaqy beriledi.