«Qazaqstan Barysy-2017»: Aǵaıyndy Ulan men Rýslan beldesip, jeńisti aǵasyna syılady

ASTANA. QazAqparat - Astanada ótip jatqan  qazaq kúresinen "Qazaqstan barysy" týrnıriniń shırek fınalynda aǵaıyndy Ulan Rysqul men Rýslan Ábdirazaqovtyń joly túıisip, nátıjesinde aǵasy Ulan Rysqul jeńiske jetti, dep habarlaıdy QazAqparat tilshisi.

Osylaısha jartylaı fınalǵa Ulan Rysqul, Aıbek Nuǵymarov, Arman Qalıev jáne Elaman Erǵalıev shyqty.

Esterińizge sala keteıik, bıyl EKSPO-2017 aıasynda uıymdastyrylyp jatqan dodaǵa elimizdiń 14 oblysy men Astana jáne Almaty qalalarynan iriktelgen eń myqty 34 balýan qatysyp jatyr.

Jarystyń júlde qory - 50 mıllıon teńge. Aıtalyq, balýandar ár beldesýdegi jeńis úshin - 100 000 teńge kóleminde syıaqy alyp otyrsa, jarys sońynda bas júldeni jeńip alǵan balýan 25 mıllıon teńgeni qaltasyna basady, al bapkeri 3,5 mıllıon teńge syıaqy alady. Ekinshi orynǵa ıe bolǵan balýan 5,5 mıllıon teńgemen marapattalsa, bapkeri 1,8 mıllıon teńgege ıe bolady. Úzdik úshtikti túıindegen balýannyń qaltasy 1,8 mıllıon teńgege tolyqsa, bapkeri 900 myń teńgeni qanjyǵasyna baılaıdy. Bul týrnırde balýandar ǵana emes, kórermender men jankúıerler de syılyqsyz qalmaıdy. «Qazaqstan Barysynyń» fınaldyq básekesine kirý bıletteri boıynsha «Renault Logan» markaly avtokóligi oınatylady.