«Qazaqstan barysy-2024» týrnıriniń jeńimpazdary qansha syıaqy alady

<p>ASTANA. KAZINFORM &ndash; Astana qalasynda Respýblıka kúnine oraı, qazaq kúresinen ótetin &laquo;Qazaqstan barysy-2024&raquo; respýblıkalyq týrnıriniń jeńimpazdaryna qansha syıaqy beriletini belgili boldy.</p>

Naqtyraq aıtsaq, 1-oryn alǵan palýanǵa — 15 000 000 teńge berilse, 2-oryn alǵan sportshy — 3 300 000 teńgege ıelik etedi. Al 3-orynǵa qol jetkizgen palýan — 1 080 000 teńge kóleminde syıaqy alady. 

Sonymen qatar ár balýan ár beldesýde jeńiske jetkeni úshin taǵy 100 000 teńgeden alyp otyrady. 

Jalpy «Qazaqstan barysy — 2024» respýblıkalyq týrnırdiń júlde qory 27 100 000 teńge. 

Atalǵan týrnırde jeńiske jetken balýandardyń bapkerleri de syıaqysyz qalmaıdy. 3 720 000 teńge sportshylardyń jattyqtyrýshylaryna beriledi.

Marapattaý rásiminen keıin týrnır jeńimpazymen baspasóz konferentsııasy ótedi.

Aıta keteıik, barsha sport súıer qaýym úshin jarysqa kirý — tegin bolady. Sonymen qatar kórermender úshin ulttyq stılde bezendirilgen oıyn-saýyq aımaǵy uıymdastyrylady, onda asyq atý, arqan tartý, toǵyzqumalaq jáne basqa da ulttyq oıyndaryn oınaýǵa bolady.

Atalǵan iri doda 26 qazan kúni «Barys-Arena» stadıonynda ótedi.

Esterińizge sala keteıik, osyǵan deıin jarsyqa kimder qatysatyny týraly jazǵan bolatynbyz.