«Qazaqstan Barysy-2024»: Shırek fınalǵa kimder shyqty

<p>ASTANA. KAZINFORM &ndash; Astana qalasynda Respýblıka kúnine oraı qazaq kúresinen ótip jatqan &laquo;Qazaqstan barysy-2024&raquo; respýblıkalyq týrnıriniń shırek fınalyna shyqqan úzdik segiz balýan anyqtaldy.</p>

Saıat Shamshıev (Abaı obl.), Erasyl Nuǵumat (Ulytaý obl.), Mýhtar Dalelhanýly (Pavlodar obl.), Erasyl Qajybaev (Abaı obl.), Ersultan Muzapparov (Shymkent q.), Aıbek Serikbaev (Qyzylorda obl.), Adıl Orazbaev (Ásker barysy) jáne Maqsat Isaǵabylov shırek fınalǵa shyqty.

Bul týrnırge oblystyq saıys qorytyndysy boıynsha iriktelgen eldiń eń myqty balýandary jınaldy. Olar Qazaqstannyń 17 oblysy men respýblıkalyq mańyzy bar 3 qalany – Astana, Almaty jáne Shymkent qalalarynan kelgen balýandar ózara kim myqtyny anyqtaıdy.

Atalǵan týrnırdiń jeńimpazyna - 15 000 000 teńge berilse, 2-oryn alǵan sportshy - 3 300 000 teńgege ıelik etedi. Al 3-orynǵa qol jetkizgen balýan 1 080 000 teńge kóleminde syıaqy alady. Sonymen qatar ár balýan ár beldesýde jeńiske jetkeni úshin taǵy 100 000 teńgeden alyp otyrady.

Jalpy «Qazaqstan barysy-2024» respýblıkalyq týrnırdiń júlde qory – 27 100 000 teńge. Atalǵan týrnırde jeńiske jetken balýandardyń bapkerleri de syıaqysyz qalmaıdy. 3 720 000 teńge sportshylardyń jattyqtyrýshylaryna beriledi.

Atalǵan iri doda 26 qazan kúni «Barys-Arena» stadıonynda ótip jatyr.

Esterińizge sala ketsek, osyǵan deıin atalǵan týrnırde baq synap jatqan balýandar arasynda eń aýyr, eń jeńil, eń jas, eń jasy úlken, eń úzyn jáne eń qysqa boıly balýandar týraly jazǵan edik.