«Qazaqstan Barysy-2024»: fınalǵa kimder shyqty
Naqtyraq aıtsaq, jartylaı fınalda Shymkent qalasynyń balýany Ersultan Muzapparov ásker barysy Ádil Orazbaevtan aılasyn asyryp, fınalǵa shyqty. Ekinshi jupta jartylaı fınalda Abaı oblysynyń qos balýany Saıat Shamshıev pen Erasyl Qajybaev synǵa túsip, nátıjesinde Qajybaev qarsylasyn taza utyp fınalǵa shyqty.
Osylaısha 42 balýan baq synap jatqan týrırdiń sheshýshi synyna da kelip jetti.
Endi, Ersultan Muzapparov pen Erasyl Qajybaev fınalda «Qazaqstan barysy-2024» ataǵyn sarapqa salady.
Bul týrnırde oblystyq jarystardyń qorytyndysy boıynsha iriktelgen elimizdiń eń myqty balýandary baq synap jatyr. Olar elimizdiń 17 oblysy men Respýblıkalyq mańyzy bar 3 qala Astana, Almaty jáne Shymkent qalalarynyń sportshylary.
Atalǵan týrnırdiń jeńimpazyna - 15 000 000 teńge berilse, 2-oryn alǵan sportshy - 3 300 000 teńgege ıelik etedi. Al 3-orynǵa qol jetkizgen balýan - 1 080 000 teńge kóleminde syıaqy alady.
Sonymen qatar ár balýan ár beldesýde jeńiske jetkeni úshin taǵy 100 000 teńgeden alyp otyrady.
Jalpy «Qazaqstan barysy-2024» respýblıkalyq týrnırdiń júlde qory 27 100 000 teńge.
Atalǵan týrnırde jeńiske jetken balýandardyń bapkerleri de syıaqysyz qalmaıdy. 3 720 000 teńge sportshylardyń jattyqtyrýshylaryna beriledi.
Atalǵan iri doda 26 qazan kúni «Barys-Arena» stadıonynda ótip jatyr.
Aıta keteıik, osyǵan deıin jartylaı fınalǵa kimderdiń shyqqanyn jazǵan edik.