«Qazaqstan Barysy-2024»: Eń aýyr, eń jeńil, eń jas, eń jasy úlken balýan kim

<p>ASTANA. KAZINFORM &ndash; Astana qalasynda Respýblıka kúnine oraı qazaq kúresinen ótip jatqan &laquo;Qazaqstan barysy-2024&raquo; respýblıkalyq týrnırine qatysyp jatqan balýandar arasyndaǵy&nbsp; eń aýyr, eń jeńil, eń jas, eń jasy úlken balýandardy nazarlaryńyzǵa usyna ketkendi jón sanap otyrmyz.</p>

Búgingi dodaǵa qatysyp jatqan balýandardyń arasynda jasy eń kishisi – Soltústik Qazaqstan oblysynyń balýany Ádilet Mýrzash. Ol 2006 jyly dúnıege kelgen. Onyń salmaǵy 127 keli bolsa, boıy - 180 sm.

Al jasy eń úlkeni – astanalyq balýan Oljas Shynkeev. Ol 1992 jyly 12 sáýirde dúnıege kelgen. Salmaǵy – 119 keli bolsa, boıy – 178 sm. 

Foto: Aǵybaı Aıapbergenov/Kazinform

«Qazaqstan barysy-2024» respýblıkalyq týrnırinde baq synap jatqan balýandardyń arasyndaǵy salmaǵy eń jeńili - Almaty qalasynyń balýany Ábdiqasym Sahan men Aqtóbe oblysynyń balýany Azat Qýanov. Ekeýiniń de salmaǵy 90 keli. Al osy týrnırdegi eń aýyr salmaqtaǵy balýan Mańǵystaý oblysynyń balýany Nurdáýlet Jarylǵapov. Onyń salmaǵy – 160 keli.

Sonymen qatar atalǵan týrnırde baq synap jatqan balýandardyń arasynda boıy eń uzyny Almaty oblysynyń balýany Mádı Edilbaev. Onyń boıynyń bıiktigi – 195 sm, al eń alasa balýan Ulytaý oblysynan kelgen Aıdos Ǵalymov. Onyń boıy – 174 sm. 

Foto: Aǵybaı Aıapbergenov/Kazinform

Esterińizge sala keteıik, osyǵan deıin Astana tórindegi «Barys Arena» stadıonynda «Qazaqstan Barysy-2024» respýblıkalyq týrnıri bastalǵanyn jazǵan bolatynbyz.

Týrnırge barlyǵy 42 balýan qatysyp jatyr. Týrnır qorytyndysy boıynsha Qazaqstannyń eń myqty balýany anyqtalyp, 15 mıllıon teńgege ıe bolady.