Qazaqstan bankteri jeke tulǵalardyń depozıtteri boıynsha jańa mólsherlemeler belgiledi

ASTANA. QazAqparat - Qazaqstannyń depozıtterge kepildik berý qory 2016 jylǵy 1 aqpannan bastap jeke tulǵalardyń ulttyq valıýtadaǵy depozıtteri boıynsha syıaqy mólsherlemesiniń eń joǵarǵy mólsherin 10%-dan 14%-ǵa deıin belgileý jóninde sheshim qabyldady, shetel valıýtasyndaǵy depozıtter boıynsha mólsherleme 3%-dan 2%-ǵa deıin tómendetildi.

Qazaqstan Respýblıkasy Ulttyq bankiniń Tóraǵasy Danııar Aqyshev bul týraly Shymkent qalasyndaǵy baspasóz konferentsııasynda jýrnalısterge málimdedi.

«Bul teńgemen ashylǵan depozıtterdiń tartymdylyǵyn arttyrýǵa jáne azamattarymyzdyń jınaq aqshasynyń qorǵalýyna múmkindik beredi» - dedi ol.

«Sondaı-aq, biz AQSh dollaryndaǵy depozıtter boıynsha mólsherlemelerdiń jańa deńgeıin barabar jáne qajetti kiristilikti qamtamasyz etetin deńgeı retinde baǵalaımyz. Mysal retinde keltirsek, AQSh dollaryndaǵy depozıtter boıynsha mólsherlemelerdiń bul deńgeıin Reseıdegi mólsherlemelermen salystyrýǵa keledi jáne damyǵan elderdegi mólsherlemelerden birneshe ese joǵary bolyp tabylady», - dep atap ótti D. Aqyshev, «Ulttyq Banktiń qolma-qol shetel valıýtasymen operatsııalar boıynsha nemese depozıtterdi alý boıynsha qandaı da bir shekteýlerdi qarastyrmaıtynyn jáne olardy engizýdi josparlap otyrmaǵanyn» aıta kele, «Biz dollarlyq depozıtterdi teńgelik depozıtterge qandaı da bir májbúrlep aýdarý boıynsha eshbir is-qımyl josparlap otyrǵan joqpyz. Bul - jalǵan aqparat, oǵan eshbir negiz joq», - dedi Ulttyq bank basshysy.

«Buryn aıtyp ótkenimdeı, qarjy jáne valıýta naryǵyndaǵy turaqtandyrý máseleleri azamattarymyzdyń esebinen sheshilmeýge tıis», - dep málimdedi D. Aqyshev.