Qazaqstan balýandary Iordanııadaǵy Azııa chempıonatynan 37 medal jeńip aldy
Jarys 12-20 shilde aralyǵynda Ammanda ótti, uıymdastyrýshy – halyqaralyq United World Wrestling (Birikken kúres álemi) federatsııasy.
Chempıonat erkin kúres, grek-rım kúresi, sonymen qatar áıelder kúresi boıynsha U15 jáne U20 jas sanatynda ótti. Oǵan Azııanyń 19 eliniń sportshylary qatysty.
Jalpykomandalyq esepte grek-rım kúresi boıynsha U15 sanatynda Qazaqstan komandasy ekinshi orynǵa ıe boldy.
Qazaqstannyń erkin kúres pen grek-rım kúresinen 20 jasqa deıingiler arasyndaǵy komandasy úshinshi orynǵa laıyq dep tanyldy.
Jalpy esepte Qazaqstan quramasy 37 medal oljalady – 8 altyn, 7 kúmis jáne 22 qola medal.
Qazaqstan grek-rım, erkin jáne áıelder kúresi federatsııasynyń prezıdenti, UWW Azııa keńesiniń prezıdenti Dáýlet Turlyhanov chempıonat alańynda QazAqparat tilshisine az-kem pikir bildirdi:
- Amman qalasynda mundaı dárejedegi, Olımpıada oıyndary baǵdarlamasyna enetin kúrestiń úsh túri boıynsha 15 jasqa deıingi jáne 20 jasqa deıingiler arasyndaǵy jarys alǵash uıymdastyrylyp tur. Iordanııanyń Kúres federatsııasy, Jastar mınıstrligi men Ulttyq olımpıada komıteti men Amman qalasynyń ákimdigine osyndaı keremet is-sharany uıymdastyrǵandaryna alǵys aıtqym keledi.
Bizdiń U15 sanatyndaǵy jastarymyz jaqsy kúresip jatyr. Árıne, kásipqoı maman retinde qatelikterin baıqaısyń. Bul jasta olarmen jattyqtyrýshy jumys isteýi kerek.
15 jasqa deıingiler:
Erkin kúres:
Jalpykomandalyq esep – Qazaqstan Úndistan (173 upaı), Iran (171upaı), Japonııa (145 upaı) men Ózbekstannan (143 upaı) keıingi besinshi oryndy ıelendi.
Saıat Ábdýálı - «altyn» (44 kg)
Eraly Áskerbek - «qola» (48 kg)
Bekasyl Asambek – «altyn» (52 kg)
Nurıslam Shalqarov – «qola» (85 kg)
Grek-rım kúresi:
Jalpykomandalyq esep – Qazaqstan komandasy Iranǵa (185 upaı) jol berip ekinshi oryn (178 upaı) ıelendi.
Sultan Máýlithanov - «qola» (38 kg)
Suńqar Zarap – «qola» (44 kg)
Dıas Maratov – «altyn» (48 kg)
Damır Aqan – «qola» (52 kg)
Dosbol Shamıl – «altyn» (57 kg)
Marlen Meıirbekuly – «kúmis» (62 kg)
Ábilmansur Ahalbek – «altyn» (68 kg)
Aıanbek Ibraev - «kúmis» (85 kg)
Áıelder kúresi:
Jalpykomandalyq esep – 122 upaımen tórtinshi oryn ıelendi. Japonııa (202 upaı), Úndistan (195 upaı) jáne Qyrǵyzstan (139 upaı) alda boldy.
Sánııa Soltanǵalı – «qola» (39 kg)
Meıramgúl Ahmetjan – «qola» (46 kg)
Farıda Ábdirahmanova – «kúmis» (50 kg)
20 jasqa deıingiler:
Erkin kúres:
Jalpykomandalyq esep – Qazaqstan komandasy Iran (191 upaı) men Úndistannan (180 upaı) keıingi úshinshi oryndy aldy.
Mereı Bazarbaev – «qola» (57 kg)
Ábdinur Nurlanbek – «qola» (61 kg)
Muqametalı Qabıdoldanov – «qola» (70 kg)
Erhan Beksultanov – «altyn» (74 kg)
Maǵjan Janyrbaı – «qola» (79 kg)
Imanǵalı Qaldybek – «qola» (86 kg)
Nurdáýlet Bekenov – «qola» (92 kg)
Kamıl Kýrýglıev – «altyn» (97 kg)
Grek-rım kúresi:
Jalpykomandalyq esep – Qazaqstan komandasy Iran (205 upaı) men Ózbekstanǵa (180 upaı) jol berip, úshinshi oryn ıelendi.
Aıbek Aıtbekov – «kúmis» (55 kg)
Samandar Madamınov – «qola» (60 kg)
ıÝsýf Ashrapov – «kúmis» (63 kg)
Azız Gasymov - «qola» (67 kg)
Mereı Máýlithanov – «qola» (72 kg)
Islam Evloev – «altyn» (82 kg)
Nurasyl Amanaly – «kúmis» (87 kg)
ıÝsýf Matsıev – «qola» (97 kg)
Djohar Ýzarov – «qola» (130 kg)
Áıelder kúresi:
Jalpykomandalyq esep – 129 upaımen tórtinshi oryn ıelendik.
Úndistan (195 upaı), Japonııa (177 upaı) men Ózbekstan (147 upaı) bizden basym boldy.
Laýra Ǵanıqyzy – «qola» (50 kg)
Altyn Shaǵaeva – «qola» (53 kg)
Zeınep Baıanova – «qola» (55 kg)
Jibekjan Sabyrjanova – «qola» (68 kg)
Shámshııabaný Tastanbek – «kúmis» (72 kg).