Qazaqstan bala týýdyń ótken ǵasyrdaǵy tarıhı joǵary kórsetkishine jetýi múmkin

ASTANA. QazAqparat - Qazaqstan bala týýdyń ótken ǵasyrdaǵy tarıhı joǵary kórsetkishine jetedi. Búgin Mádenıet jáne sport mınıstrliginiń keńeıtilgen alqa májilisinde QR Premer-Mınıstriniń orynbasary Gúlshara Ábdiqalyqova osylaı málim etti.

«Jaqynda sarapshylar bizge jaqsy statıstıkany kórsetti. Bıylǵy birinshi jartyjyldyqta 198 myń bala týǵan. Eger de osy qarqyn saqtalatyn bolsa, onda jyl qorytyndysy boıynsha bala týý kórsetkishi 400 myńǵa jetedi. Salystyratyn bolsaq, bizde bala týý boıynsha eń joǵary kórsetkish táýelsizdikke deıin, ıaǵnı 1989 jyly boldy. Sol ýaqytta da 400 myń náreste ómirge kelgen edi. Atap aıtqanda, biz tarıhı joǵary kórsetkishke qol jetkizemiz»,-dedi Úkimet basshysynyń orynbasary.

G. Ábdiqalyqovanyń aıtýynsha, atalǵan ósim 2017 jylǵa deıin jalǵasady. Budan keıin bala týýdyń joǵary deńgeıi 2024 jyly baıqalýy múmkin.

«ıAǵnı, osy kezde táýelsizdik jyldary ómirge kelgen reprodýktıvti turǵyda densaýlyǵy jaramdy adamdardyń jańa urpaǵy keledi. Sondyqtan da biz osy demografııalyq serpiliske daıyn bolýymyz qajet. Osy oraıda arnaıy alańdardy, sport klýbtaryn salyp, aýla klýbtaryn qurý kerek»,-dedi ol.