Qazaqstan BAÁ-men geologııalyq barlaý salasynda yntymaqtastyq ornatýǵa nıetti

ASTANA. QazAqparat - «Qazgeologııa» AQ Basqarmasynyń tóraǵasy Ǵalym Nurjanov Birikken Arab Ámirlikteriniń Qazaqstandaǵy elshisi Dr. Mohammad Ahmad Áljabermen kezdesti. Bul týraly kompanııanyń saıty habarlady.

BAÁ elshiliginde ótken kezdesýge «Qazgeologııa» AQ basshysynyń tóraǵasynyń orynbasary Eldar Taǵash qatysty.Kezdesýde taraptar yntymaqtastyqtyń birqatar perspektıvaly baǵyttaryn talqylap, ekijaqty yntymaqtastyqtyń odan ári dáıekti damýyna nyq senim bildirdi.

Ústimizdegi jylǵy qańtar aıyndaǵy Memleket basshysy N.Nazarbaevtyń  Birikken Arab Ámirlikterine saparynyń sheńberinde  «Qazgeologııa» AQ basshylyǵy «Mubadala», «DUBAL», «Bin Hamoodah Group» kompanııalarynyń jáne t.b. ámirliktiń jetekshi kompanııalarynyń basshylarymen kezdesip, Qazaqstanda geologııalyq barlaý jumystaryn júrgizý boıynsha yntymaqtastyq jasaý jónindegi máselelerdi talqylady.

Elshi Qazaqstanda geologııalyq barlaý boıynsha yntymaqtastyq jasaýdaǵy ınvestıtsııalyq jobalardy iske asyrý úshin «Qazgeologııa» AQ-tyń ámirliktiń kompanııalarymen yntymaqtastyqta kómek kórsetýge jáne osy kompanııalar ókilderiniń jobalardy táptishtep talqylaý úshin Qazaqstanǵa tezirek kelýin uıymdastyrýǵa ázir ekenin bildirdi, sondaı-aq eki el úshin ortaq halyqaralyq múddeler toǵysatyn máselelerdi talqylap, olardy udaıy úılestirýdiń mańyzy zor ekenin basa kórsetti.