Qazaqstan azyq-túlik qaýipsizdiginiń jahandyq reıtınginde pozıtsııasyn jaqsartty
Osylaısha 2019 jylmen salystyrǵanda óz pozıtsııasyn 16 tarmaqqa jaqsartty, dep habarlaıdy QazAqparat Úkimettiń resmı saıtyna silteme jasap.
Bul Corteva Agriscience qoldaýymen The Economist Intelligence Unit sarapshylary daıyndaǵan Jahandyq azyq-túlik qaýipsizdigi ındeksinen alynǵan.
The Economist Intelligence Unit derekterine sáıkes, Qazaqstan 2020 jylǵy reıtıngtegi pozıtsııasyn jaqsartý turǵysynan asa mańyzdy oń serpini bar el bolyp sanalady. Halyq úshin azyq-túlik ónimderiniń qoljetimdiligi, azyq-túlik ónimderiniń sapasy men qaýipsizdigi, azyq-túlik ónimderiniń bolýy sekildi kórsetkishter boıynsha oń dınamıka baıqaldy. Oń qarqyndy qamtamasyz etken faktorlar tiziminde The Economist Intelligence Unit AÓK sektoryndaǵy óndiristiń turaqtylyǵyn, azyq-túlik qaýipsizdigin qamtamasyz etý jónindegi áleýmettik baǵdarlamalardyń qoljetimdiligin, halyqtyń kedeıshilik sheginen tómen úlesin, naryqtyń jáne AÓK sektoryndaǵy qarjylyq qyzmetterdiń, naryqtaǵy usynystyń, mıkronýtrıentterdiń qoljetimdiligin, proteınderdiń sapasyn, azyq-túlik ónimderiniń qaýipsizdigin, azyq-túlik ónimderine tómen ımporttyq tarıfterdiń, óndiris pen dıstrıbýtsııa kezindegi ysyraptardyń tómendigin atap kórsetedi. Sondaı-aq aýyl sharýashylyǵy ınfraqurylymy, AÓK sektoryndaǵy ǵylymı zertteýler sııaqty kórsetkishter boıynsha da jaqsarý baıqaldy.