Qazaqstan Azııalyq-Tynyq muhıttyq óńirdegi energııa eksportynyń ortalyǵy bola alady - AEF

ASTANA. 23 mamyr. QazAqparat - Qazaqstan Azııalyq-Tynyq muhıttyq óńirdegi túrli energııa eksportynyń ortalyǵy bola alady. VI Astana ekonomıkalyq forýmy men Daǵdarysqa qarsy dúnıejúzilik konferentsııa aıasynda BUU «Barshaǵa arnalǵan ornyqty energetıka bastamalary» qory jónindegi keńesshi Serj Martın osylaı málim etti.

Sarapshynyń aıtýyna qaraǵanda, Qazaqstan ınvestorlar múmkindigi úshin jaqsy jaǵdaılar qalyptastyrýda. «Sonymen qatar, Qazaqstan eki úlken basymdyqqa da ıe. Olar: tabıǵı resýrstardyń baı portfeli, jáne Eýrazııa qurlyǵyndaǵy strategııalyq ornalasýy. Sondyqtan da, Qazaqstandy eń aldymen «qajetti naryqtyń qajetti ýaqytynda» ornalasqanyn aıtqym keledi. Azııa men Tynyq muhıty aımaǵy 2050 jylǵa qaraı búkil álem ekonomıkasynyń jartysyn ýysta ustaıdy», - deıdi S. Martın.

Onyń sózine qaraǵanda, baǵalaýlar boıynsha 2030 jylǵa qaraı Azııalyq-Tynyq muhıttyq óńirde jańa energetıkalyq ınfraqurylymdarǵa 6 trln. dollardan astam ınvestıtsııa talap etiledi. «Sondyqtan da, búgingi memleketterdiń basym bóligi armandaıtyn energııanyń barlyq túrlerine ıelik etip otyrǵan Qazaqstan atalǵan ınvestıtsııanyń aıtarlyqtaı bóligin ıemdenýine múmkindik barshylyq», - dedi S. Martın.