Qazaqstan Azııa men Eýropany jalǵaıtyn álemdik kólik habyna aınalýy qajet - Prezıdent

ASTANA. QazAqparat – Memleket basshysy Úkimetke elimizdiń gaz óńdeý qýatyn arttyrý úshin jańa jobalardy júzege asyrýdy tapsyrdy. Sonymen qatar, Prezıdent sýdy barynsha únemdeý kerektigin eskertti, dep habarlaıdy QazAqparat tilshisi.

«Infraqurylymdy damytý qajet. Energetıka, sý jáne kólik qaýipsizdigin qamtamasyz etýge baǵyttalǵan keshendi sharalar qabyldanýǵa tıis. Energetıkalyq aktıvterdi jańǵyrtýǵa jaqyn arada jańa ınvestıtsııa tartý kerek. Bul jumysty «Tarıfti ınvestıtsııaǵa aıyrbastaý» baǵdarlamasy arqyly iske asyrýǵa bolady. Qazir taýar gazynyń tapshylyǵy kúsheıip barady», - dedi Qasym-Jomart Toqaev Májilistiń jalpy otyrysynda.

Memleket basshysy gaz óńdeý qýatyn arttyrý úshin jańa jobalardy júzege asyrý jáne sýdy barynsha únemdeý qajettigine toqtaldy.

«Sonymen birge, 25 sý qoımasyn salyp, sýdy barynsha únemdeý kerek. Qazaqstan turaqty damý úshin Azııa men Eýropany jalǵaıtyn álemdik kólik habyna aınalýy qajet. Buǵan deıin qolǵa alynǵan kólik jáne logıstıka jobalaryn túgel ýaqtyly bitirý óte mańyzdy», - dedi Prezıdent.