Qazaqstan, Ázerbaıjan jáne Ózbekstan Eýropaǵa «jasyl» energııa eksporty boıynsha joba jasaıdy

<p>Qazaqstan, Ázerbaıjan jáne Ózbekstan &laquo;jasyl&raquo; energetıka eksporty boıynsha tehnıkalyq tapsyrma men birlesken kásiporyn daıyndaý týraly kelisti, dep habarlaıdy <a href="https://kaz.inform.kz/" target="_blank" rel="noopener">Kazinform</a> QR Energetıka mınıstrliginiń <a href="https://www.gov.kz/memleket/entities/energo/press/news/details/652947?lang=kk" target="_blank" rel="noopener">baspasóz</a> qyzmetine silteme jasap.</p>

Baký qalasynda ótken Ázerbaıjan, Ózbekstan jáne Qazaqstan energetıka jáne ekonomıka mınıstrleriniń Ortalyq Azııa elderinen Ázerbaıjan aýmaǵy arqyly Eýropaǵa elektr energııasyn eksporttaý perspektıvalaryn talqylaý jónindegi kezdesýinde tıisti kelisimge qol jetkizildi.

Kezdesý qorytyndysy boıynsha vedomstvo basshylary birlesken kommıýnıkege qol qoıdy, onda elderdiń jańartylatyn energııa salasyndaǵy áleýetin jáne balamaly kózderden alynǵan elektr energııasyn Eýropaǵa eksporttaý jobasyna qosylýǵa daıyndyǵyn atap ótti.

Qatysýshylar jańartylatyn energııa kózderine basa nazar aýdara otyryp, energııa almasý salasyndaǵy, jasyl sýtegi men jasyl ammıakty ázirleý jáne eksporttaý múmkindikteri jáne ilespe ınfraqurylym salasyndaǵy yntymaqtastyq jónindegi tehnıkalyq tapsyrmany ázirleý úshin birlesken jumys tobyn qurý týraly kelisimge keldi.

Ázirlengen jáne bekitilgen tehnıkalyq tapsyrma negizinde aldyn ala tehnıkalyq-ekonomıkalyq negizdemeni daıyndaýǵa tender jarııalanatyn bolady. Sondaı-aq, qatysýshylar jobany iske asyrý úshin birlesken kásiporyn qurý perspektıvasyn zerdeleýge kelisti.

Ekonomıka jáne energetıka mınıstrleri deńgeıindegi kelesi kezdesý Ózbekstan Respýblıkasynyń Tashkent qalasynda ótedi.