Qazaqstan, Ázerbaıjan jáne Grýzııa arasynda biryńǵaı temirjol ákimshiligi qurylady

<p>ASTANA. KAZINFORM &mdash; Atalǵan úsh el arqyly ótetin júk tasymaly &laquo;bir tereze&raquo; qaǵıdatymen jumys isteıdi. Bul týraly Kólik vıtse-mınıstri Maqsat Qalıaqparov málim etti.</p>

— Qazaqstan, Ázerbaıjan jáne Grýzııanyń kólik mınıstrlikteri deńgeıinde transkaspıı halyqaralyq kólik baǵytyn damytý aıasynda jumys toby quryldy. Qazir úsh eldiń kólik qatynasyn ıntegratsııalaý baǵytynda aýqymdy jumys atqarylyp jatyr. Úsh eldiń arasynda «bir tereze» qaǵıdatymen jumys isteıtin temirjol ákimshiligi qurylady. Demek Qazaqstan, Ázerbaıjan jáne Grýzııa arqyly ótetin júkti bir operator, biryńǵaı tólem arqyly tasymaldaýǵa bolady, — dedi Maqsat Qalıaqparov BAQ ókilderiniń saýalyna jaýap bere turyp.

Foto: Aǵybaı Aıapbergenov/Kazinform

Onyń aıtýynsha, temirjol ákimshiligi, ıaǵnı úsh eldiń birlesip qurǵan kásiporyn Astana halyqaralyq qarjy ortalyǵynda tirkelgen. 

— Elordada ornalasqan halyqaralyq qarjy ortalyǵy úsh el úshin barlyq qyzmetti «bir tereze» qaǵıdatymen usynady, — dep tolyqtyrdy vıtse-mınıstr.

Foto: Aǵybaı Aıapbergenov/Kazinform

Buǵan deıin Qazaqstanda taǵy eki áýejaıdyń senimgerlik basqarýǵa beriletinin habarlaǵan edik.

Aıta keteıik, búgin elordada «Kólik jáne logıstıka naryǵy» taqyrybynda VI halyqaralyq konferentsııasy jáne GLOBAL Avia DAY áýe tasymaldaryn damytý jónindegi I halyqaralyq forýmy ótip jatyr.