Qazaqstan azamaty shekarada geroınmen ustaldy
11:50, 27 Maýsym 2016
ASTANA. QazAqparat - 26 maýsymda «Jasyltóbe» shekara zastavasynyń shekarashylary geroın alyp ótpek bolǵan Qazaqstan azamatyn ustady, dep habarlaıdy QR UQK ShQ baspasóz qyzmeti.
Jambyl oblysy, Qordaı aýdanyndaǵy «Jasyltóbe» shekara zastavasynyń shekarashylary jergilikti ishki ister organdarynyń qyzmetkerlerimen birlese otyryp, Qazaqstan azamatyn ustady. Odan tekserý kezinde salmaǵy 3 gramnan astam esirtkilik zat - geroın tabyldy.
Atalǵan derekke qatysty materıaldar Qordaı aýdandyq ishki ister organdaryna berildi.