Qazaqstan azamattyǵyn alǵysy keletinder sany jyl saıyn artyp keledi - Memlekettik hatshy
13:09, 06 Mamyr 2013
ASTANA. 6 mamyr. QazAqparat - Búgin Aqordada QR Memlekettik hatshysy Marat Tájınniń tóraǵalyǵymen QR Prezıdenti janyndaǵy Azamattyq máseleler jónindegi komıssııanyń kezekti otyrysy bolyp ótti.
Komıssııa otyrysyn ashyp sóz sóılegen Memlekettik hatshy azamattyq alýshylar esebinen bizdiń otandastarymyzdyń sany da artyp kele jatqanyna toqtaldy. «Bul kórsetkish jyl saıyn ósip keledi. Búgingi kúngi otyrysta biz Qazaqstan azamattyǵyn alýǵa ótinish tapsyrǵan 238 adamnyń qujattaryn qaraıtyn bolamyz. Budan soń, ony Elbasynyń qol qoıýyna usynamyz. Jalpy azamattyqqa ótinish bildirýshiler qatarynda shet el memleketterinde ómir súrip jatqan etnıkalyq qandastarymyzben qatar, basqa da ult ókilderi barshylyq», - dedi M. Tájın. Budan bólek, komıssııa otyrysynda Qazaqstan azamattyǵynan shyǵý máseleleri de qaralatyn bolady.