Qazaqstan azamattary sheteldegi 65 saılaý ýchaskesinde Májilis pen máslıhat depýtattaryna daýys bere alady
«Bizde shet memleketterde nebári 65 saılaý ýchaskesi bar. Máselen, Reseıde, 3-4, AQSh-ta 1-2 jáne qalǵan memleketterde bir-birden ýchaskemiz tirkelgen. Sol elderde bolǵan Qazaqstan azamattaryna jeke tólqujattarymen daýys berse bolady», - dedi B.Meldeshov.
Degenmen QR OSK hatshysy Qazaqstan azamattary kez kelgen shet memlekette daýys bere almaıtyndyǵyn atap ótti.
«Daýys berý quqyǵyn beretin esepten shyǵarý kýáligi tek Qazaqstan ishinde ǵana beriledi. Shetelde júrgen azamattar sol elde ashylǵan saılaý ýchaskesine kelip, tólqujaty arqyly daýys bere alady. Bul rette daýys berý quqyǵyn beretin esepten shyǵarý kýáligi qajeti joq», - dedi ol.
Aıta keteıik, búgin QR Ortalyq saılaý komıssııasynyń 2009 jylǵy 8 aqpandaǵy №161/306 qaýlysymen bekitilgen daýys berý quqyǵyn beretin esepten shyǵarý kýálikterin berý jáne esepke alý qaǵıdalaryna birqatar ózgerister engizildi. «Atap aıtqanda, atalǵan qaǵıdalardan 7-tarmaq alynyp tastaldy. Al 8-tarmaq jańa redaktsııada jazyldy. Oǵan sáıkes esepten shyǵarý kýáligi bir eldi mekenniń shegindegi basqa saılaý okrýginde nemese basqa saılaý ýchaskesinde daýys berýge qatysqysy keletin saılaýshylarǵa berilmeıdi.