Qazaqstan azamattary saılaý tizimderinen ózderiniń málimetterin naqtylaýda

ASTANA. QazAqparat - Qazaqstan azamattary saılaý tizimderinen ózderiniń málimetterin naqtylap tekserýde. Bul týraly búgin QR Ortalyq saılaý komıssııasynda ótken brıfıngte TMD baıqaýshylary mıssııasy shtabynyń múshesi Evgenıı Kozıak aıtty.

«Mıssııamyz jasaqtalyp boldy. Qazirgi ýaqytta bizdiń mıssııanyń quramynda 293 baıqaýshy akkredıtteldi», - dedi ol.

E.Kozıaktyń atap ótýinshe, búgingi kúni uzaqmerzimdi baıqaýshylar Qazaqstanǵa kelýde.

«Keshe bizdiń shtabymyzǵa uzaqmerzimdi baıqaýshylar keldi. Erteń taǵy bir top Almatyǵa jetedi. Jalpy, biz Qazaqstanda 300-den astam baıqaýshymyz akkredıtteledi dep josparlaýdamyz. Saılaý kúni olar respýblıkanyń barlyq óńirlerine barady», - dedi sheteldik baıqaýshy.

Sonymen qatar ol Qazaqstannyń birqatar qalasynda jáne jergilikti jerlerde bolyp, saılaý ýchaskeleriniń jumysymen tanysqandyǵyn atap ótti.

«Menińshe, ýchaskelik komıssııalar óz isteriniń sheberleri. Olar barlyq qajetti tehnıkamen jabdyqtalǵan. Saılaýshylardyń tizimderin naqtylaý jumystary da qarqyndy júrgizilýde. Saılaýshylar tizimnen ózderiniń málimetterin naqtylaýda», - dedi E.Kozıak.