Qazaqstan azamattary saılaý barysynda partııalyq nemese toptyq múddeni emes, azamattyq kózqarastaryn bildirdi - M.Ábenov

ASTANA. QazAqparat - Qazaqstan azamattary saılaý barysynda partııalyq nemese toptyq múddeni emes, azamattyq kózqarastaryn bildirdi. Bul pikirdi búgin «Amanat» ıntellektýaldy pikir-saıys klýbynyń kezekti otyrysy aıasynda BAQ ókilderine suhbat bergen «Órleý» qoǵamdyq uıymynyń dırektorlar keńesiniń tóraǵasy Murat Ábenov bildirdi.

«1999 jyldan bergi barlyq saılaý naýqanyna qatysyp kelemin. Biraq, sol saıası naýqannyń barlyǵymen salystyrǵanda bul jolǵy saılaý óte uıymshyldyqpen ótti. ıAǵnı, olar eshqandaı partııalyq nemese toptyq múddeni emes, azamattyq kózqarastaryn bildirdi. Meniń oıymsha, osy saılaý daýys berýshilerdiń deńgeıiniń, saıası mádenıetiniń óte joǵary kóterilgendigin kórsetti», - dedi M.Ábenov.

Onyń atap ótýinshe, saılaý kúni elimizdiń barlyq óńirlerinde azamattar erte kelip, daýys berýge tyrysty.

«Taǵy bir erekshelik, barlyǵynyń kóńil-kúıi jaqsy boldy. Olar ózderin merekelik sharaǵa kelgendeı sezindi. Sonymen qatar bul qoǵamdy biriktiretin saılaý boldy. Ártúrli qózqaras bolýy múmkin. Biraq osy saıası sharaǵa barlyǵy bir oımen, bir maqsatpen, ıaǵnı, elde tynyshtyq bolsyn degen kózqaraspen keldi», - dedi saıasattanýshy.