Qazaqstan azamattary Konstıtýtsııalyq sotqa qalaı júgine alady

ASTANA. QazAqparat – El azamattarynyń QR Konstıtýtsııalyq sotyna ótinish jasaýyna arnalǵan jadynama jarııalandy, dep habarlaıdy QazAqparat tilshisi.

Konstıtýtsııalyq sot azamattardyń ótinishteri boıynsha Konstıtýtsııada bekitilgen olardń quqyqtary men bostandyqtary tikeleı qarastyrylatyn Qazaqstan Respýblıkasynyń normatıvtik-quqyqtyq atileriniń elimizdiń Konstıtýtsııasyna sáıkestigin qarastyrady.

Ótinish «Qazaqstan Respýblıkasynyń soty týraly» Konstıtýtsııalyq zańnyń 44-babynyń talaptaryna sáıkes rásimdelýi tıis. Ótinishter jazbasha jáne (nemese) elektrondyq nysanda qazaq ne orys tilderinde beriledi.

Eger ótinishti onyń atynan ýákiletti adamdar berse, azamattyń jazbasha kelisimi (notarıaldy kýálandyrylǵan senimhat) qajet.

Azamattardyń ótinishterin qaraý kezinde zvańdy ókilder, advokattar, zań konsýltanttary palatasynyń músheleri sanalatyn zań konsýltanttary, sondaı-aq zańmen, jarǵymen nemese erejemen osy uıymdardyń músheleriniń quqyqtary men múddelerin, basqa adamdardyń quqyqtary men múddelerin qorǵaý quqyǵy berilgen uıymdardyń ýákiletti tulǵalary ókilder bola alady.

Azamattardyń Konstıtýtsııalyq sotqa júginýiniń jalpy sharttary da aıqyndalǵan. Atap aıtqanda, normatıvtik-quqyqtyq akti Qazaqstan Respýblıkasynyń Konstıtýtsııasynda bekitilgen azamattardń quqyqtary men bostandyqtaryna tikeleı qatysty bolýy kerek. Daýly zań nemese ózge de normatıvtik-quqyqtyq akti sotta qaraly tıis nemese azamattyń qatysýymen bolǵan naqty istegi quqyqtary men bostandyqtaryna tikeleı qarastyrýy qajet. Іs boıynsha zańdy kúshine engen sot aktisi (sheshimi) shyǵarylýy tıis. Ótinish Kostıtýtsııalyq sotqa sot aktisi (sheshimi) qabyldanǵannan keıin bir jyldan keshiktirilmeıtin merzimde berilýi kerek.