Qazaqstan azamattary qandaı shet memleketterde dinı bilim ala alady
«Qazirgi tańda qazaqstandyqtar teologııalyq (dinı) bilimdi Egıpet Arab Respýblıkasy, Túrkııa Respýblıkasy, Saýd Arabııasy Koroldigi, Iordanııa Hashımıt Koroldigi, Birikken Arab Ámirlikteri jáne taǵy basqa memleketterde alýda. Osyǵan baılanysty Qazaqstan musylmandary dinı basqarmasy (QMDB) jastarymyzdy radıkaldy aǵymdardyń yqpalynan qorǵaý maqsatynda belgili teologııalyq ýnıversıtettermen, atap aıtqanda «Hasekı» ınstıtýty (Túrkııa Respýblıkasy), Ál-Azhar ýnıversıteti (Egıpet Arab Respýblıkasy) Tashkent ıslam ýnıversıteti (Ózbekstan) jáne Reseı ıslam ýnıversıtetimen (Reseı Federatsııasy) kelisimge qol qoıǵan. QMDB usynymy bolǵan jaǵdaıda qazaqstandyqtar joǵaryda atalǵan oqý oryndarynyń kez kelgenine oqýǵa túsip, biliktiligin arttyrý kýrstarynan óte alady», - dep atap ótedi mınıstrlikten agenttiktiń resmı saýalyna bergen jaýabynda.
Máselen, vedomstvo dereginshe, QMDB men Túrkııa Respýblıkasy Din isteri basqarmasy arasyndaǵy kelisim aıasynda 2023-2024 oqý jylyna Túrkııanyń «Hasekı» ınstıtýtyna Qazaqstannan 25 azamat oqýǵa qabyldandy. Jalpy atalǵan oqý ornyna 2013-2022 jyldary aralyǵynda 189 Qazaqstan azamattary qabyldanyp, búgingi kúni 102 túlek 3 jylǵy oqýlaryn bitirip, elge oraldy.
«Sonymen qatar, Ál-Azhar ýnıversıteti elimizdiń joǵary bilimdi dinı kadrlaryn daıarlaýda eleýli úles qosyp keledi. QMDB aqparatyna sáıkes atalǵan oqý orynynda 80 stýdent bilim alýda», - dedi mınıstrlikten.