Qazaqstan azamattary 76 elge vızasyz bara alady

BAKÝ. QazAqparat – Qazaqstan 2023 jyly Henley & Partners Visa Restrictions Index tólqujattar reıtınginde 70-shi oryn aldy. Respýblıka azamattary 76 elge vızasyz bara alady, dep habarlaıdy QazAqparat menshikti tilshisi uıymnyń baıandamasyna silteme jasap.

Otandyq tólqujattyń aǵymdaǵy halyqaralyq erejesi kórsetip otyrǵandaı, elimiz bıyl ótken jylmen salystyrǵanda reıtıngte 3 orynǵa joǵary kóterilgen.

2022 jyly Qazaqstan bul reıtıngte 73-shi orynda turǵan, al vızasyz elder sany 76-ny quraǵan bolatyn.

Vızasyz baǵyttar sany boıynsha Japonııa kósh bastap keledi – onyń tólqujat ıeleri álemniń 227 eliniń 193-ne vızasyz bara alady.

Sıngapýr men Ońtústik Koreıa 192 nátıjemen ekinshi oryn aldy. Eń álsiz tólqujat Aýǵanstanda, onyń azamattary 27 elge vıza rásimdemeı bara alady.

Al, Ázerbaıjan tólqujattar reıtınginde 76-shy orynda. Onyń azamattary 70 elge vızasyz barýǵa quqyly.

Henley&Partners kompanııasynyń álemdik vızalyq shekteýler ındeksi (Visa Restrictions Index) álemniń 200-den astam eli men aýmaǵynyń vızalyq erejelerin taldaıdy jáne olardy vızasyz kiretin elder sany boıynsha saralaıdy.