Qazaqstan azamattary Ózbekstanda ýaqytsha esepke turmaı 30 kún bola alady

<p>ASTANA. KAZINORM &ndash; Búgin Májilistiń jalpy otyrysynda &laquo;Qazaqstan men Ózbekstan Úkimetteri arasyndaǵy ózara saparlardyń sharttary týraly kelisimge ózgerister engizý týraly hattamany ratıfıkatsııalaý týraly&raquo; Zań qabyldandy. &nbsp;</p>

«Hattamaǵa Memleket basshysynyń Tashkentke sapary barysynda 2022 jylǵy jeltoqsanda qol qoıyldy. Bul qujatpen eki el azamattary úshin birdeı negizde ýaqytsha esepke turmaı 30 kún bolý belgilenbek. Osy merzim aıaqtalǵannan keıin olar ýaqytsha turýǵa ruqsat alýǵa mindetti. Negizderi – jumys isteý, emdelý, oqý, otbasymen birigý, bıznes júrgizý. Osylaısha, biz kóshi-qondy baqylaımyz. Odan basqa bolý merzimderin jańartý máselesi sheshilmek. Biraq olardyń bolý merzimi alty aı ishinde 90 táýlikten aspaýy tıis», - dedi zań jobasyn tanystyrǵan Іshki ister mınıstri Erjan Sádenov.

Onyń atap ótýinshe, búginde Qazaqstan azamattar Ózbekstanda 5 kún ishinde tirkeýden ótýge mindetti.

«Al Qazaqstanda mindetti tirkeý men kóshi-qon kartochkalary barlyq sheteldikter úshin 2020 jyldan bastap talap etilmeıdi. Bul túzetý bizdiń bastama boıynsha ázirlendi. Ózbekstan tarapy hattamany ótken jyldyń sáýirinde ratıfıkatsııalady. Hattamany ratıfıkatsııalaý azamattardyń bolýy úshin qolaıly jaǵdaı jasap, eki eldiń yntymaqtastyǵyn nyǵaıtady», - dedi ol.