Qazaqstan azamaty sheteldikterge el turǵyndaryn aldaýǵa kómektesip kelgen

<p>Ulttyq qaýipsizdik komıteti prokýratýra organdarynyń úılestirýimen sheteldikterge telefon arqyly Qazaqstan turǵyndaryn aldaýǵa kómektesip kelgen QR azamatyn ustady.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly QR UQK baspasóz qyzmetine silteme jasap habarlaıdy.</p>

Tergeý boljamynsha, Qazaqstan azamatynyń kómegimen sheteldik alaıaqtar óz áreketterin júzege asyrý úshin Qazaqstanǵa jasaǵan qońyraýlardy búrkemeleý múmkindigin alǵan. 

«Bul operatsııalar sheteldik nómirlerdi qazaqstandyq nómirge aýystyratyn arnaıy qurylǵyny jáne zııan keltiretin baǵdarlamalyq qondyrǵylardy paıdalana otyra júzege asyrylǵan.

Saldarynan kúdikti ulttyq baılanys operatorlaryna zalal keltire otyryp, ústeme paıda alǵan. Al onyń qyzmetin paıdalanǵan sheteldik alaıaqtar respýblıka turǵyndaryn aldap kelgen.

Qylmystyq kodekstiń 210-baby 3-bóligi boıynsha sotqa deıingi tergeý amaldary júrgizilip jatyr.

Qylmystyq-protsestik kodekstiń 201-baby 1-bóligine sáıkes ózge aqparat jarııa etýge jatpaıdy», - delingen UQK málimetinde.

Málim etilgendeı, tek sońǵy úsh jylda 59 myń ınternet-alaıaqtyq faktisi tirkelip, turǵyndarǵa 43 mıllıard teńge somasynda zalal keltirilgen.