Qazaqstan aıryqsha básekege qabiletti álemniń 30 eliniń qataryna 2035 jylǵa qaraı enýge qaýqarly

ASTANA. QazAqparat - Qazaqstan aıryqsha básekege qabiletti álemniń 30 eliniń qataryna 2035 jylǵa qaraı enýge qaýqarly. Bul týraly búgin Qazaqstandaǵy ındýstrııalandyrý jónindegi konferentsııada «Qazaqstandyq ındýstrııany damytý ınstıtýty» AQ basqarma tóraǵasy Aıdyn Qulseıitov málim etti.

«Bizdiń esepteýler boıynsha, eger ındýstrıalandyrý ıdeologııasy shyn máninde ulttyq ıdeıaǵa aınalsa, onda óńdeýshi sektor boıynsha eń básekege qabiletti 30 eldiń qataryna 2035 jylǵa qaraı enemiz», -dedi A. Qulseıitov.

Osy oraıda birinshi besjyldyqtyń maqsaty barynsha kóp zaýyttardy iske qosyp, ekonomıkany ártaraptandyrýǵa, sondaı-aq ekonomıka qurylymynda básekege qabilettilikti arttyrýǵa negizdelgenin túsindirip ótti.

«Ekinshi besjyldyqtyń maqsaty ındýstrııasyzdandyrý úderisin toqtatýǵa arnalǵan. Bul basty mindet boldy. Sonymen qatar óńdeýshi ónerkásip mańyzdylyǵyn tómendetken trendterdi tejeý nazarǵa alyndy. Atap aıtqanda, bul sharalarǵa qol jetkizildi», - dedi ol.