Qazaqstan áıelderi: statıstıka, tsıfrlar, problemalar

NUR-SULTAN. QazAqparat – Qazaqstanda ekonomıkalyq belsendi turǵyndardyń 48,5 paıyzy - áıelder. Mundaı derekti ranking.kz portaly usyndy, dep habarlaıdy QazAqparat tilshisi.

Portal dereginshe, osy jyldyń basyndaǵy málimetterge sáıkes elimizde 9,84 mln áıel bar jáne el halqynyń 51,4 paıyzyn quraıdy.

Bul bir jyl burynǵy kórsetkishten 1,2 paıyzǵa kóp. Eńbek naryǵynda da áıelderdiń úlesi basym.

Ekonomıkalyq belsendi halyqtyń 48,5 paıyzyn áıelder quraıdy.

Elimizde jumyspen qamtylǵandardyń 48,1 paıyzy, barlyq jaldamaly jumystardyń 48,9 paıyzy - áıelder.

Jeke kásipkerlikte de názik jandylardyń úlesi zor. 2021 jyldyń sońynda áıelder basshylyq etetin tirkelgen kásipkerlik sany 9,1 paıyzǵa, 625,1 myńǵa deıin artty.

Bul rette jeke kásipkerlikte qyz-kelinshekter óte belsendi.

Atap aıtar bolsaq, 29 jasqa deıingi áıelder basqaratyn jeke kásipkerlikterdiń sany jyl ishinde 37,2 paıyzǵa artyp, 88,7 myńǵa jetti.

Jalpy, Qazaqstannyń jalpy ishki ónimine áıelder qosatyn úles 40 paıyzǵa jýyqtaıdy.

Degenmen, elimizde áıelderge qaraǵanda erler jalaqynyń 22 paıyzǵa joǵary alady.

Ótken jyldyń 4-toqsanynda Qazaqstanda jumyssyzdyq deńgeıi 4,9 paıyz boldy.

Onyń ishinde erler arasynda jumyssyzdyq 4,1, al áıelder arasynda 5,1 paıyzdy quraıdy.

Biraq, erlerge qaraǵanda áıelder birshama bilimdi ári bilikti maman bolyp keledi.

Máselen, pandemııaǵa deıin Qazaqstanda áıelderdiń joǵary bilimmen qamtylýy 73,2 paıyz, al erler 61,1 paıyz bolǵan.