Qazaqstan avıadıspetcherleri fýtboldan álem chempıony atandy

TENERIFE. QazAqparat - 7-11 qarasha aralyǵynda Ispanııanyń Tenerıfe aralynda avıadıspetcherler arasynda fýtboldan álem chempıonaty ótti. Oǵan 16 memleket qatysty. Qazaqstan atynan «Qazaqstan» jáne «Astana» aeronavıgatsııalyq qyzmetteri qyzmetkerleriniń eki komandasy baq synady, dep habarlaıdy QazAqparat.

Týrnır barysynda bizdiń komandalar Vengrııa, Amerıka Qurama Shtattary, Kıpr, Ispanııa, Italııa áýe dıspetcherleriniń qurama komandalarymen fýtbol matchyn ótkizdi.

Tartysty ótken oıynda qazaqstandyqtar jeńiske jetip, fınalǵa shyqty.

Nátıjesinde «Qazaqstan» Qazaeronavıgatsııa RMK komandasy álem chempıony ataǵyn jeńip aldy.

Al «Astana» Kazaronavıgatsııa RMK komandasy - ekinshi oryn, úshinshi oryndy Ispanııanyń «Interneshnl» qurama komandasy ıelendi.

Foto: t.me/caa_kaz