Qazaqstan aýrýhanalary otandyq sıstemalardy paıdalanatyn bolady

         ALMATY. Qarashanyń 23-i. QazAqparat /Ádilet Musahaev / - Qazaqstan básekege qabiletti ımpýzııalyq sıstema shyǵara alady, bul jaıynda «Alto-Med» JShS-niń Bas dırektory Amantaı Jumabekov Almaty oblysyna kelgen depýtattarmen kezdesý barysynda málim etti,

dep habarlaıdy QazAqparat.

         Qyrbaltabaı aýlynda salynyp jatqan medıtsına ónimderin shyǵaratyn zaýytty «Alko-Med» JShS-i basqarýda. Zaýyttyń 35 paıyzy enshiles «Jetisý» ÁKK UK-na tıesili. «Bizdiń zaýyt aqpan aıynan bastap óz ónimderin shyǵara bastaıdy. Qazirgi ýaqytta mundaı aspapty Qytaıdan jáne Germanııadan tasymaldap otyrmyz. Bizdiń ónim básekege qabiletti dep aıta alamyn. Óıtkeni bizdiń ónimniń ereksheligi - ıneniń shaǵyn bolýynda jáne qosymsha dári quıatyn tútikshesi bar, bul qan tamyrlaryna kóp zııan keltirmeıdi», deıdi Bas dırektor. Sondaı-aq bul kásiporyn jylyna 16 mıllıon dana ónim shyǵarýdy josparlaýda. Jalpy Qazaqstan boıynsha jyldyq suranys 30 mıllıonǵa jetip otyr. Atalmysh  kásiporyn 40 adamdy Qytaıdan arnaıy daıyndyq jumystarynan ótkizgen jáne  165 adamdy jańa jumyspen qamtamasyz etpek.