Qazaqstan aýmaǵynda «úndi» shtamy tirkelmedi

NUR-SULTAN. QazAqparat – Qazaqstan aýmaǵynda koronavırýstyń «úndi» shtamy tirkelgen joq. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Biz jańa mýtatsııalardy anyqtaý maqsatynda respýblıka aýmaǵynda taralyp jatqan koronavırýstyń shtamdaryna genetıkalyq zertteýlerdi turaqty negizde júrgizip otyramyz. Máselen, osy jyldyń sáýir aıynda anyqtalǵan úlgilerdi zertteýdiń qorytyndysynda «brıtandyq» shtamnyń aınalymda júrýi úlgilerdiń 30 paıyzynda anyqtaldy. Al respýblıka aýmaǵynda «úndi» shtamynyń aınalymda bolýy anyqtalǵan joq», - dedi QR Densaýlyq saqtaý mınıstri.