Qazaqstan aýmaǵynan janar-jaǵarmaıdy zańsyz shyǵarmaq bolǵandar ustaldy
Benzındi, dızel otynyn jáne munaı ónimderiniń jekelegen túrlerin áketýge Qazaqstan Respýblıkasynda qoldanylyp júrgen ýaqytsha shekteýlerge qaramastan, keıbir jeke jáne zańdy tulǵalar JJM-dy zańsyz ótkizýge áreket jasaýda.
13 qarashada QR UQK ShQ shekara jasaǵy Jambyl oblysy Merki aýdanynyń «Chaldovar» (temirjol) ótkizý pýnktinde Qazaqstan aýmaǵynan shamamen 68 tonna dızel otyny men 120 tonna benzındi zańsyz áketý áreketiniń jolyn kesti (otyn túrin saraptama belgileıdi). Otyny bar úsh tsısternany tasymaldaý gaz kondensaty túrindegi júk temir jol quramymen júzege asyryldy.
Saraptama qorytyndysy boıynsha ustalǵan taýardy is júrgizý sheshimin qabyldaý úshin Jambyl oblysy boıynsha Memlekettik kirister departamentine berý josparlanýda. Ustalǵan janarmaıdyń aldyn ala quny 50 mln teńgeni qurady.