Qazaqstan aýmaǵynda 5 seısmıkalyq stansy ornatylady
«Seısmologııalyq baıqaý jáne zertteýler ulttyq ǵylymı ortalyǵy men Qytaı Halyq Respýblıkasy Shyńjań-Uıǵyr avtonomııalyq aýdanynyń jer silkinisi jónindegi agenttigi (QHR ShUAAJSJA) arasyndaǵy ǵylymı-zertteý qyzmetindegi nıettestik týraly memorandýmǵa sáıkes, Qytaı jer silkinisi ákimshiligi Geofızıka ınstıtýtynyń qarjylandyrýymen 2024-2025 jyldary Qazaqstan terrıtorııasynda 5 seısmıkalyq stansy ornatylady jáne «Almaty» ortalyq seısmıkalyq observatorııasyna kúrdeli jóndeý júrgiziledi», - dep atap ótti mınıstrlikten agenttiktiń resmı saýalyna oraı.
Vedomstvo málimetinshe, shilde aıynda QHR ShUAAJSJA uımdastyrýymen jer silkinisterin boljaý maqsatynda halyqarylyq jıyn ótedi. Oǵan Seısmologııalyq baıqaý ortalyǵynyń ǵalymdary qatysady. Ortalyqtyń 3 jas mamany maýsymnyń 22-nen shildeniń 1-ne deıin Qytaı jer silkinisi ákimshiliginiń (qarjylandyrýymen) Geofızıka ınstıtýtynda taǵylymdamadan ótedi.
«AQSh Elshiligi men E.Loýrens atyndaǵy Lıvermor ulttyq zerthanasynyń ókilderi járdemimen Orta Azııa memleketteriniń seısmıkalyq qaýipti baǵalaý jobasyn ázirleý jumystary bastaldy. Joba barysynda jas mamandarga seısmıkalyq qaýipti baǵalaý kýrstary ótkiziletin bolady», - dedi mınıstrlikten.