Qazaqstan aýmaǵyna bıdaı ákelýge tyıym salyndy
Statıstıkalyq derekter boıynsha osy jyldyń birinshi jartyjyldyǵynyń qorytyndysy boıynsha bıdaı ımporty 1,3 mln tonnany boldy. Bul is júzinde 2023 jylǵy ımporttyń jyldyq kólemine teń. Al Qazaqstannyń ishki naryǵynda ótken jylǵy eginniń bıdaı qory jetkilikti.
Máselen, statıstıka derekteri boıynsha osy jyldyń 1 shildesine respýblıka boıynsha shamamen 6,1 mln tonna astyq qory, onyń ishinde bıdaı 5,1 mln tonna, onyń ishinde azyq-túlik maqsatyndaǵy bıdaı 4 mln tonna boldy.
Sonymen qatar qabyldanǵan sharalar men qolaıly aýa raıynyń arqasynda vegetatsııalyq kezeńde astyqtyń jaqsy ónimdiligi boljanady. Bul aýyspaly qorlardy eskere otyryp, astyq naryǵynda artyq usynys jasaıdy.
Osyǵan baılanysty, ishki naryqty qorǵaý jáne keri eksporttaý faktilerin boldyrmaý maqsatynda 2024 jylǵy 26 shildede Syrtqy saýda saıasaty jáne Halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııanyń otyrysynda Qazaqstan Respýblıkasynyń aýmaǵyarqyly bıdaıdyń tranzıtin, sondaı-aq olardyń Qazaqstan Respýblıkasynyń aýmaǵy arqyly Eýrazııalyq ekonomıkalyq odaqqa múshe bir memlekettiń aýmaǵynan Eýrazııalyq ekonomıkalyq odaqqa múshe ekinshi memlekettiń aýmaǵyna oryn aýystyrýyn qospaǵanda, 2024 jylǵy 31 jeltoqsanǵa deıin bıdaıdy (SEQ TN kody: 1001) Qazaqstan Respýblıkasynyń aýmaǵyna kóliktiń barlyq túrimen ákelýge tyıym salý týraly sheshim qabyldandy.
VAK sheshimine sáıkes «Qazaqstan Respýblıkasynyń aýmaǵyna bıdaı ákelýdiń keıbir máseleleri týraly» Qazaqstan Respýblıkasy Aýyl sharýashylyǵy mınıstriniń 2024 jylǵy 19 tamyzdaǵy № 278 tıisti buıryǵy bekitildi.
Buıryq 21 tamyzdan bastap qoldanysqa engiziledi jáne 2024 jylǵy 31 jeltoqsanǵa deıin qoldanylady.