Qazaqstan Aýǵanstannyń Gerat qalasynda saýda úıin ashady

ASTANA. QazAqparat – Byltyr Qazaqstan men Aýǵanstan arasyndaǵy saýda aınalymy 1 mlrd dollarǵa jetti. Bul týraly BAQ ókilderiniń qatysýymen ótken brıfıngide QR Syrtqy ister mınıstrliginiń resmı ókili Aıbek Smadııarov málim etti, dep habarlaıdy QazAqparat tilshisi.

«Saýda jáne ıntegratsııa mınıstri Serik Jumanǵarın Kabýlǵa jumys sapary barysynda Gerat qalasynda Qazaqstannyń jańa saýda úıi ashylatynyn málimdedi. Jaqyn arada ol óz jumysyn bastaıdy», - dedi Aıbek Smadııarov BAQ ókilderiniń saýalyna jaýap bere otyryp.

Ol sondaı-aq Aýǵanstanmen saýda-ekonomıkalyq yntymaqtastyqtyń áleýeti óte joǵary ekenin atap ótti.

«Mysaly, 2022 jyldyń ózinde ekijaqty saýda kólemi 1 mlrd dollarǵa jetti. Árıne, bizdiń óndirýshiler, bıznesmender atalǵan elge eksporttalatyn taýar túrlerin odan ári keńeıtýge múddeli», - dep túıindedi Aıbek Smadııarov.

BUU dereginshe, Aýǵanstan halqynyń sany - shamamen 40 mln. Bul - iri ári perspektıvaly naryq.