Qazaqstan Aýǵanstanǵa 81 vagon azyq-túlik jibergen
Bul týraly QR Syrtqy ister vıtse-mınıstri Qanat Týmysh elordada ótip jatqan Qazaqstan men Aýǵanstan bıznes-forýmynda aıtty.
«Qazaqstan men Aýǵanstan arasyndaǵy tarıhı tamyry tereń qarym-qatynastar tatý kórshilik, ózara senim men tıimdi yntymaqtastyq qaǵıdattaryna negizdelgen jáne jyldan-jylǵa óz damýyn jalǵastyrýda. Elimiz Aýǵanstannyń táýelsiz, beıbit, beıtarap demokratııalyq el retinde damyp, gúldengen memleketke aınalǵanyn qalaıtynyn atap ótkim keledi. Osy oraıda Qazaqstan Aýǵanstanǵa gýmanıtarlyq kómek kórsetý máselesine zor úles qosyp, Aýǵanstan halqyna materıaldyq qoldaý kórsetýdi jalǵastyrdy. Tek sońǵy eki jylda ǵana Qazaqstan Aýǵanstanǵa 10 myń tonna un, eń qajetti taýarlar men dári-dármekterdi gýmanıtarlyq kómek retinde jóneltti», - dedi Qanat Týmysh.
Onyń aıtýynsha, 81 vagon azyq-túlikten turatyn gýmanıtarlyq kómektiń sońǵy partııasy bıylǵy sáýirde Qazaqstannyń úkimettik delegatsııasynyń Kabýlǵa resmı sapary aıasynda jetkizilgen.
«Qazaqstan Aýǵanstandaǵy azyq-túlik daǵdarysyn eńserý úshin halyqtaralyq seriktestermen, uıymdarmen belsendi yqpaldasýda. Elimiz aýǵan halqyna kómek kórsetý úshin BUU, IYU baǵdarlamalary aıasynda qarjy bólýde. 2023 jylǵy sáýirde azyq-túlik qaýipsizdigi aıasynda qazaq qarajaty esebinen un jetkizildi», - dedi vıtse-mınıstr.
Buǵan deıin Qanat Týmysh Almatyda Ortalyq Azııa men Aýǵanstan úshin BUU Óńirlik ortalyǵy qurylatynyn aıtqan edi.