Qazaqstan Aýǵanstandaǵy temirjol qurylysyna úlesin qosady
«Aýǵanstanda tıisti qurylys jumystary júrip jatyr, ıaǵnı kóliktik-ınfraqurylymdyq jelilerdi jańǵyrtý sharalary qolǵa alyndy. Qazirgi kezde «Soltústik-Ońtústik» temirjolynyń qurylysy júrip jatyr. «Integra» atty qazaqstandyq kompanııa 43 shaqyrymdyq ýchaskege tenderdi jeńip aldy», - dedi Beıbit Atamqulov Parlament Májilisindegi Úkimet saǵatynda.
Onyń sózine qaraǵanda, Aqtóbe rels-arqalyq zaýyty atalǵan temirjol jelisin salý úshin Aýǵanstanǵa 350 myń tonna rels jetkizý konkýrsyn jeńdi.
Sonymen qatar B. Atamqulov Aýǵanstanǵa jetkiziletin astyqtyq basym bóligi Qazaqstannyń ónimine tıesili ekenin atap ótti.
«Taǵy bir mańyzdy baǵyt Aýǵanstandaǵy mamandardy oqytýǵa baılanysty. Sonymen birge, biz qatysatyn kelesi baǵdarlama - ol EO-nyń gýmanıtarlyq baǵdarlamasy. Onda osy eldegi áıelderge arnalǵan bilim berý sharalary qamtylady. Bul baǵdarlamany Óbekstanmen birlese iske asyrmaqpyz», - dedi ol.