Qazaqstan Aýǵanstan men Tájikstanǵa gýmanıtarlyq kómek kórsetýdi jalǵastyrady - QR Prezıdenti
«Qazaqstan Aýǵanstannyń turaqty, qaýipsiz jáne boljanǵan el bolýyn jáne onyń ornyqty ekonomıkalyq damýyn jaqtaıdy. Biz jyl saıyn azyq-túlik, otyn, dári-dármekter jetkize, aýǵan jastaryn qazaqstandyq oqý oryndarynda mamandyqtarǵa oqyta otyryp, Kabýlǵa tehnıkalyq, gýmanıtarlyq kómek kórsetýdi jalǵastyramyz. Qazirgi kezde 140 adam oqýdan ótti, 730-y oqýyn jalǵastyrýda», - dep atap ótti N.Nazarbaev.
Qazaqstan Prezıdenti Ortalyqazııalyq aımaq qaýipsizdigi jaǵdaıyna Aýǵanstandaǵy jaǵdaı eleýli yqpal etetinin atap kórsetti.
«Osy eldiń soltústiginde, ıaǵnı, bizge - Ortalyq Azııaǵa jaqyn jerde sodyrlar áreketiniń jandanýy aıryqsha alańdaýshylyq týǵyzyp otyr. Aımaqtyq qaýipsizdikke táýekelderge, qaterler men qaýipterge, sonyń ishinde aýǵan aýmaǵynan shyǵatyn yǵyttarǵa bara-bar ún qatý úshin bizdiń elderimizdiń ekijaqty negizde jáne UQShU-ny qosa alǵanda halyqaralyq uıymdar aýqymynda birlesken kúsh-jigerin arttyrý túsý qajet», - dedi N.Nazarbaev.
Memleket basshysy álemdik ekonomıkanyń kúrdeli jaǵdaıyna qaramastan Qazaqstan aldaǵy ýakqytta da óziniń odaqtastaryna kómektesetin bolady, dep málimdedi.
«Tájikstan lańkestik, ekstremızm, esirtki quraldarynyń zańsytsz aınalymy taralýymen kúrestiń aldyńǵy shebinde turǵanyn eskerý qajet. Aǵymdaǵy jyldyń ózinde biz baýyrlas elge 2,7 mln. AQSh dollary kóleminde azyq-túlik pen qurylys materıaldaryn jónelttik, bıylǵy jyly osy kólemde basqa da sharalar josparlanyp otyr», - dedi N.Nazarbaev.