Qazaqstan áýejaılarynda «Tax Free» júıesi engiziledi

ASTANA. QazAqparat - Qazaqstanda 2022 jyldan «Tax Free» júıesi engiziledi. Bul týraly búgin Úkimet otyrysynda QR Mádenıet jáne sport mınıstri Arystanbek Muhamedıuly aıtty, dep habarlaıdy QazAqparat tilshisi.

«Eýroodaq, Avstralııa, Taıland, Sıngapýr jáne TMD-nyń keıbir elderi -Reseı, Belarýs, Grýzııanyń tájirıbesi boıynsha 2022 jyldan bastap elimizde «Tax Free» engiziledi», - dedi «Qazaqstan Respýblıkasynyń týrıstik salasyn damytýdyń 2019-2025 jyldarǵa arnalǵan memlekettik baǵdarlamasy» jobasyn tanystyrǵan ol.

Mınıstrdiń aıtýynsha, osyndaı sharanyń arqasynda kóptegen damyǵan elder saýda aınalymyn ǵana emes, shopıng-týrısterdiń aǵynyn da ulǵaıtyp otyr.

«PremierTaxFree», «GlobalBlue», «InnovaTaxfree» sııaqty operatorlardy tartý múmkin bolatyn óteý respýblıkalyq bıýdjetten Qazaqstannyń tek Astana, Almaty jáne Shymkenttiń iri áýejaılarynda ǵana júzege asyrylatyn bolady»,- dedi Arystanbek Muhamedıuly.

Tax Free - bul sheteldik azamat satyp alǵan zatqa salynǵan qosylǵan qun salyǵyn qaıtarý júıesi.