Qazaqstan Áýe kúshteri «Áýe kópiri - 2018» halyqaralyq oqý-jattyǵýyna qatysyp jatyr
13:45, 04 Qazan 2018
ASTANA. QazAqparat - Qazaqstan Respýblıkasy Qarýly kúshteriniń Áýe qorǵanys kúshteri ókilderi Reseı Federatsııasynyń aýmaǵynda ótip jatqan Ujymdyq qaýipsizdik sharty uıymynyń ujymdyq avıatsııalyq kúshterimen birge «Áýe kópiri - 2018» komandalyq-shtabtyq oqý-jattyǵýlaryna qatysyp jatyr, dep habarlaıdy QazAqparat QR Qorǵanys mınıstrligine silteme jasap.
«Áýe kópiri - 2018» oqý-jattyǵýlarynyń ereksheligi - UQShU-ǵa múshe 6 eldiń qarýly kúshteriniń áskerı-kóliktik avıatsııasyn paıdalaný arqyly mobıldi kúshterdi aýqymdy jumyldyrý bolyp tabylady. Áýe arqyly 3,5 myń áskerı qyzmetshi men 620 áskerı tehnıka tasymaldanady.
Oqý-jattyǵýlarǵa UQShU birlesken shtaby, sondaı-aq UQShU-ǵa múshe elderdiń - Armenııa, Belarýs, Qazaqstan, Qyrǵyzstan, Reseı jáne Tájikstan áskerleri qatysyp jatyr.